Jigano Sha Shiloti

Collected by: Don Sybertz, Scanned by: Cephas Yao Agbemenu

With special thanks to Rev Joe Healey (African proverbs,Sayings and stories)

Waliho munhu umo akenhelwa shiloti uwilwa giki, “Yiyi ng’ombe yizaga niyo yiyaho yimaga hisaka.

Shilaka ijo jiliyomba wajigwagwa aliyo u munhu uyo aliyomba alatamonaga. Aha wela, makanza ga diyu bhiza bhanhu aha ng’wakwe wandya kubhasombolela. Wakanoga ubhuka ajile lugendo lwa kulingula migunda.

Aha washika hisaka hihi nikuwa itale lya mondoka wibhona ing’ombe wandya ukubholekeja abhanhu niyo bhukwila no aliyo ukwibhona nduhu. Bhandya kwibhuja, “Ili hali lulumayu?” nang’hwe uyomba yiyo aho.

Bhanhu bhakakwila no, kuhayimanila yudula gari (mondoka) yukila ulonga ulo kubhita ulu ufumile gimagi uliza Ndoleleji. Ng’ombe yeniyo nayo yugogomoka yushika ikuwa lya mondoka yifuka yokala, bhabha yubhi igekemaja na bhanhu bhibhona pye gashi nzoka bhabha.

Bhanhu bhandya kung’wila umpeja wa loli, “Mpandage, mpandage”. Wakiza deleva wihenda uja atagemile kwima nulu hado. Aha wiliga nayo yumola yuja ng’wisaka yukifuka hangi. Bhanhu bhuholeka kuja ho bhakitule b’igaiwa hangi. Lelo uwa shiloti aliyibhona.

Aha lyakula ikanza wiza munhu umo ubhabhuja, “Kinehe, mulitaki ahenaha?” bhuyomba, “Yadijimijaga nzoka ahenaha isaka ili”. Ngosha ng’wenuyo ulola wibhona na bhangi bhibhona pye yutulwa yucha.
Ndoto ya kweli

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s