Jigano Ja Ngosha Nfula

Collected by: Don Sybertz, Scanned by: Cephas Yao Agbemenu

With special thanks to Rev Joe Healey (African proverbs,Sayings and stories)

Kale ya kale waliho ngosha umo. Ngosha ng’wenuyo wali na kaya nhale gete niyo yalinfula no. Aha kiya ya numba jakwe waliwasimba choo. Choo yeniyo yali yokala, niyo hangi lidugu Iyaho yalilyagwa yushikila shenisho duhu.

Ngosha ng’wenuyo aha wabhona giki Choo yakwe yasaga giko, akasola madete ubheja lwigi wikumbija. Wakamala kwita giko ubhigisha ha shikome abhana bhakwe ubhawila giki.

“Bhana bhane, yaya ukwigusija aha lichoo lyenilo, mukugwila”. Bhayanda bhuhaya, “Twigwaga bhabha”. Sha lushiku lumo, abhana bhakwe abhaniginigi bhandya kwigusha bhalitula mpila.

Aha gwatulwa umpila umo wabho gumita, aliyo gulolile uko ili ichoo. Nanghwe upela alimubhuyegi walishinya. Na oli atilalangijaga. Wakisanga alipanda ili lwigi lyenilo likundika ugwila ulibhila. Aha wagwila kasumba kamo kupela kuja mukaya kung’wila uninago.

Ngikulu aho wigwa giko, ufuma alilila kwiza halichoo. Ugasanga mashi agufudilaga kiti ludefu lwa milaga munhu. Wandya kulila, bhanhub’iza bhokala pa, aliyo bhuli ng’wene ulu aliza wakumya no yiii!. Aliyo gwa kwita nduhu.

Bhanhu bhakokala no. Wakanoga wiza nkuluye lya nsumba uyo wagwilaga mu mashi ubhuja, “Ahenaha kinehe nayi?” Bhung’wila, “Nzunayo wagwilaga mu choo”.

Aho wigwa giko ulomba Iuguta. Uzula pye imyenda imisoga usaja ja mugati, witunga luguta munkimbili. Ubhawila, “Ludimagi ulugoye naje nanjile unyanda, ulu numona nakusunga nkono, ulu mugubhona mudute lugoye.

Nyanda ng’wenuyo wiponeja mugati ya Choo, ikanza lidakulile ukabhona akazunaye ukatula hibhega usunga unkono. Aho bhamona bhuduta kihamo ufuma, aliyo wajimaga mashi kibhi no.

Nyanda ng’wenuyo ukapyagula ukumiso, bhanhu bhenha minzi ukalaba. Na kayanda bhukoja. Aha lyakula ikanza kufulwa mbeho kandya gweshema.

Nkulu wago woga uzwala myenda misoga, ukabhucha akazunaye ukachala kaya, ukagalaja ha mbeho ha linti, kufulwa mbeho kuluja kubhiza gapanga.

One comment

  1. What’s up,I check your new stuff named “Jigano Ja Ngosha Nfula | Sukuma Legacy Project” regularly.Your writing style is awesome, keep doing what you’re doing! And you can look our website about proxy server list.

    Like

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s