Bhalihoyi bhalimi bha jipande mu ngunda go ng’wa munhu nhebhe abho bhalimilaga ngese. Abhalimi bhanebho bhagafugilaga amaswa kugiki bhamale wangu kunguno ya wikumbwa bho gupandika mhilya wangu. Abhoyi bhagagaleka amaswa gimilile mpaga nose ung’winikili ngunda umana igiki bhalimaga shib’i. Hunagwene agayomba giki, “gab’i magegule.”

Akahayile kenako kagalenganijiyagwa kubhanhu abho bhagatumamaga sagala sagala imilimo yabho umukikalile kabho. Abhanhu bhenabho, bhagatumamaga milimo yabho bho nduhu ub’iwiza na witegeleja bhutale kunguno ya gwiganika sagala sagala umumasala gabho. Abhoyi bhagadumaga ugujibheja chiza ikaya yabho kunguno ya gugayiwa witegeleja umubhutumami bho milimo yabho yiniyo, umuwikaji bhobho.

Abhanhu bhenabho bhagikolaga na bhalimiji abha jipande abho bhagafugila amaswa umunganda uyo bhagulimilaga, kunguno nabhoyi bhagatumamaga milimo yabho bho nduhu ugwitegeleja chiza, umubhutumami bhobho bhunubho. Hunagwene abhanhu bhagabhawilaga giki, “gab’i magegule.”

Akahayile kenako kalanga bhanhu higulya ya gutumama milimo yabho chiza, na witegeleja bhutale, kugiki bhadule gupandika matwajo ga gujilanhanila chiza ikaya jabho, umuwikaji bhobho.

2Wakorintho 9:6.

Mithali 18:9.

Mithali 19:15.

Luka 15:28-30.

KISWAHILI: YAMEKUWA MABAKI.

Walikuwepo vibarua kwenye shamba la mtu fulani waliokuwa wakipalilia palizi. Vibarua hao walikuwa wakipalilia kwa kuyafukia majani chini ili wamalize haraka kwa sababu ya tamaa ya kupata pesa mapema. Watu hao waliyaacha majani yakiwa yamesimama mpaka mwishowe mwenye shamba akatambua kwamba wamepalilia vibaya. Ndiyo maana alisema kwamba, “yamekuwa mabaki.”

Msemo huo hulinganishwa kwa watu wale ambao hufanya kazi zao hovyo hovyo, katika maisha yao. Watu hao hufanya kazi zao hizo bila ya kuwa na umakini mkubwa kwa sababu ya kuwa na mawazo mabaya katika akili zao. Wao hushindwa kuziendeleza vizuri familia zao kwa sababu ya kukosa umakini huo katika utendaji wao wa kazi, maishani mwao.

Watu hao, hufanana na wale vibarua waliopalilia kwa kuyafukia majani chini katika shamba walilokuwa wakufanyia kazi, kwa sababu nao hufanya kazi zao bila ya kuwa na umakini mkubwa, katika utekelezaji wa majukumu yao hayo. Ndiyo maana watu huwaambia kwamba, “yamekuwa mabaki.”

Msemo huo, hufundisha watu juu ya kuyatekeleza majukumu yao vizuri na kwa umakini mkubwa ili waweze kupata maendeleo ya kutosha kuzitunza vizuri familia zao, maishani mwao.

2Wakorintho 9:6.

Mithali 18:9.

Mithali 19:15.

Luka 15:28-30.

 

ENGLISH: THEY HAVE BECOME REMNANTS.

There were workers who were weeding in someone’s field. They were weeding by covering the leaves on the ground so that they could finish quickly because of the desire to get money early. They left the leaves standing until finally the owner of the field realized that they had weeded badly. That is why he said that, “they have become remnants.”

This saying is equaled to people who carelessly do their works in their lives. These people do their works without being much focused because of having bad thoughts in their minds. They fail to progress their families well because of the lack of attention in their work performance, in their lives.

These people are similar to those laborers who weeded by covering the leaves on the ground in the field where they were working, because they also do their works without being very focused, in fulfilling their duties. That is why people tell them that, “they have become remnants.”

This saying teaches people on how to carry out their duties well and with great attention so that they can get enough progress to take good care of their families.

2 Corinthians 9:6.

Proverbs 18:9.

Proverbs 19:15.

Luke 15:28-30.

Olihoyi ng’wa umo uyo olinginu gete. Ung’wana ng’wunuyo wikalaga ayegile bhuli makanza umukikalile kakwe kunguno ya mili gokwe ugowiza gunuyo. Hunagwene abhanhu bhagang’wila giki, “lyenili lilidung’hwa.”

Akahayile kenako, kagalenganijiyagwa kuli myaji uyo agabhalelaga chiza abhana bhakwe, umukikalile kakwe. Umunhu ng’wunuyo agabhalelaga bho gubhalanga gwikala bhitogilwe bhuli ng’wene kunguno ya bhutungilija bhokwe bhunubho. Uweyi agabhagunanaga bhanhu bhingi bho gwikala kihamo nabho aha kaya yakwe, kunguno ya bhutogwa bhutale ubho alinabho ukubhanhu bhakwe bhenabho, umuwikaji bhokwe.

Umunhu ng’wunuyo, agikolaga nu ng’wa uyo olinginu umuwikaji bhokwe, kunguno nuweyi alina bhutogwa bhutale ubho bhugang’wambilijaga gubhalela bho bhuyeji na chiza abhanhu bhakwe. Hunagwene abhanhu bhakwe bhenabho bhagang’wilaga giki, “lyenili lilidung’hwa.”

Akahayile kenako kalanga bhabyaji higulya ya kubhiza na bhutogwa bho gubhalela chiza abhanhu bhabho, kugiki bhadule gwikala bho mholele umuwikaji bhobho.

Waefeso 6:4.

Luka 2:51-52.

Luka 2:40.

KISWAHILI: HUYO ANA AFYA.

Alikuwepo mtoto mmoja ambaye alikuwa na afya njema. Mtoto huyo aliyekuwa mnene aliishi kwa furaha kila wakati kwa sababu ya afya yake hiyo njema. Ndiyo maana watu walimwambia kwamba, “huyo ana afya.”

Msemo huo, hulinganishwa kwa mtu yule ambaye huwalea vizuri watoto wake, katika maisha yake. Mtu huyo huwalea watoto wake hao kwa kuwafundisha kuishi kwa upendo na kila mmoja kwa sababu ya uaminifu wake huo. Yeye huwasaidia watu wengi sana kwa kuishi pamoja nao kwenye familia yake, kwa sababu ya upendo wake huo mkubwa alionao kwa watu wake hao, maishani mwake.

Mtu huyo hufanana na yule mtoto aliyekuwa na afya njema, kwa sababu naye ana upendo mkubwa ambao humsaidia kuwalea kwa furaha watu wake, katika maisha yake. Ndiyo maana watu wake hao humwambia kwamba, “huyo ana afya.”

Msemo huo huwafundisha wazazi juu ya kuwa na upendo mkubwa wa kuwalea vizuri watu wao, ili waweze kuishi kwa amani katika familia zao, maishani mwao.

Waefeso 6:4.

Luka 2:51-52.

Luka 2:40.

 

ENGLISH: HE IS HEALTHY.

There was one child who was healthy. He was a fat one who lived happily because of his good health. That is why people said about him that, “he is healthy.”

This saying is related to a person who raises his children well in his life. Such person brings up his children by teaching them to live a life of love with others because of his loyalty. He helps many people by living with them in his family, because of the great love that he has for his people, in his society.

This person resembles the child who was healthy, because he also has a great love that helps him in raising his people happily in his life. That is why his people say about him that, “he is healthy.”

This saying teaches parents about having great love enough to raise their people well, so that they can live in peace with others in their families.

Ephesians 6:4.

Luke 2:51-52.

Luke 2:40.

 

Yalihoyi nzuki iyo yaliyabisija bhuki gete mpaka nose bhuyutinika gufumila umumalela gabho mpaga bhoshiga hasi. Aho bhayibhona abhanhu bhagatogwa mpaka bhupanga lushigu lo guja gujiyapila. Hunagwene bhagayomba giki, “inzuki yeniyi hi ilina nzwezwe.”

Akahayile kenako kagalenganijiyagwa kuli munhu uyo agaidililaga chiza imilimo jakwe mpaga oimala chiza umubhutumami bhokwe. Umunhu ng’wunuyo agalimaga migunda mitale iyo agayilimililaga ngese mpaga oyimala kunguno ya bhudiliji bhokwe bhunubho umumilimo yakwe. Uweyi agabishaga majiliwa mingi noyi aha kaya yakwe kunguno ya bhukamu bhokwe ubho gutumama milimo yakwe chiza bhunubho, umuwikaji bhokwe.

Umunhu ng’wunuyo agikolaga ni nzuki iyo yaliyabisija bhuki wingi gete, kunguno nuweyi agalimaga migunda ojidilila chiza mpaga opandika sabho ningi gete, umubhutumami bhokwe bhunubho. Hunagwene abhanhu bhagang’wilaga giki, “inzuki yiniyi hi ilina nzwezwe.”

Akahayile kenako kalanga bhanhu higulya ya guidilila chiza imilimo yabho bho guitumama mpaga bhapandike sabho ningi, kugiki bhadule gujilanhana chiza ikaya jabho, umuwikaji bhobho bhunubho.

Yohana 15:1-2.

Yoshua Bin Sira 11:3.

KISWAHILI: NYIKI HAWA WANA ASALI.

Walikuwepo nyuki waliokuwa wameivisha asali sana mpaka ikaanza kudondoka chini kutoka kwenye masega yake. Watu walipoona hivyo walifurahi na kupanga muda ya kwenda kulina asali hiyo. Ndiyo maana walisema kwamba, “nyuki hawa wana asali.”

Msemo huo hulinganishwa kwa mtu yule ambaye huijali vizuri kazi yake mpaka anapata mafanikio mengi, katika maisha yake. Mtu huyo, hulima mashamba makubwa ambayo huyatunza kwa kuyapalilia palizi vizuri mpaka anavuna mazao kwa sababu ya kujali kwake vizuri kazi zake, katika utekelezaji wa majukumu yake. Yeye hupata mavuno mengi sana kwenye familia yake kwa sababu ya bidii yake hiyo ya kufanya kazi vizuri, maishani mwake.

Mtu huyo hufanana na wale nyuki walioivisha asali nyingi, kwa sababu naye huyajali kwa kuyatunza vizuri mashamba yake mpaka anapata mavuno mengi, katika utekelezaji wa majukumu yake hayo. Ndiyo maana watu humwambia kwamba, “nyuki hawa wana asali.”

Msemo huo, hufundisha watu juu ya kuzijali kwa kuzitekeleza vizuri kazi zao mpaka wapate mali nyingi, ili waweze kuziendeleza vizuri familia zao, maishani mwao.

Yohana 15:1-2.

Yoshua Bin Sira 11:3.

ENGLISH: THESE BEES HAVE HONEY.

There were bees which had fed the honey so much that it began to fall down from its combs. When people saw that, they were happy and planned a time to go and harvest the honey. That is why they said that, “these bees have honey.”

This saying is compared to a person who takes good care of his work until he gets a lot of success in life. Such person cultivates large fields which he takes care of by weeding them well until he harvests enough crops to each because of his good concern for his work in fulfilling his duties. He gets a lot of harvest in his family because of his hard working life.

This person resembles to the bees that gathered a lot of honey, because he also cares for his life by taking good care of his fields until he gets a lot of harvest, in fulfilling his duties. That is why people tell him that, “these bees have honey.”

This saying imparts in people an idea of taking care of themselves by doing their jobs well until they get a lot of wealth, so that they can support their families well in their societies.

John 15:1-2.

Joshua Bin Sira 11:3.