Akahayile kenako kahoyelile munhu uyo agigwa nuli ulab’ula. Umunhu ng’wunuyo agatulilwa nulu na ng’wiye aho asiminzaga umulenga lokwe na ulab’ula kunguno ya kuhaya kumana inguno ya bhutuji bho nulu gunuyo. Hunagwene abhanhu bhagang’wila giki, “swi, swi, swi una ulab’ula.”

Akahayile kenako kagalenganijiyagwa kuli munhu uyo agabhadililaga chiza abhiye umukikalile kakwe. Umunhu ng’wunuyo agikalaga ubhambilija abhanhu abho bhali na makoye bho guhoya nabho chiza kunguno ya bhutogwa bhokwe ubho gubhadilila abhiye bhunubho. Uweyi agikalaga uyega na bhanhu bhingi aha kaya yakwe kunguno alina nhungwa niza ija gwikala na bhanhu, umuwikaji bhokwe bhunubho.

Munhu ng’wunuyo agikolaga nuyo agalab’ula aho otolilwa nuli na ng’wiye ng’wunuyo, kunguno nuweyi agabhadililaga bho gubhambilija chiza abhanhu abho bhali na makoye, umukikalile kakwe. Hunagwene abhanhu bhagang’wilaga giki, “swi, swi, swi, una ulab’ula.”

Akahayile kenako kalanga bhanhu higulya ya kubhiza na nhungwa ja kutogwa gubhadilila bho gubhambilija chiza abhanhu abho bhali na makoye umuchalo jabho, kugiki bhadule gwikala na bhuyegi bhutale umuwikaji bhobho bhunubho.

Mathayo 3:3.

Yona 3:4-5.

Yohana 10:3-4, 16.

Ufunuo 14:13.

KISWAHILI: MLUZI NDOGO MDOGO UNAGEUKA.

Msemo huo huongelea juu ya mtu aliyesikia mluzi mdogo akageuka nyuma ili kuangalia. Mtu huyo alipigiwa mluzi na mtu aliyekuwa nyuma yake alipokuwa akitembea katika safari yake akageuka nyuma kwa sababu ya kutaka kufahamu sababu ya mluzi huo ili aweze kumsaidia zaidi. Ndiyo maana watu walimwambia kwamba, “mluzi mdogo mdogo unageuka.”

Msemo huo hulinganishwa kwa mtu yule ambaye huwajali wenzake katika maisha yake. Mtu huyo, huwa anawasaidia watu wale ambao wana matatizo kwa kuongea nao vizuri kwa sababu ya upendo wake  huo wa kuwajali wenzake. Yeye huishi kwa furaha na watu wengi katika familia yake kwa sababu ana tabia njema ya kuishi vizuri na watu, maishani mwake.

Mtu huyo hufanana na yule aliyegeuka nyuma kumwangalia mwenziye aliyempigia mluzi, kwa sababu naye huwajali kwa kuwasaidia watu wale ambao wana matatizo mbalimbali, katika maisha yake. Ndiyo maana watu humwambia kwamba, “mluzi mdogo mdogo unageuka.”

Msemo huo hufundisha watu juu ya kuwa na tabia ya kupenda kuwajali kwa kuwsaidia watu wale ambao wana matatizo mbalimbali katika vijiji vyao, ili waweze kuishi kwa furaha kubwa, maishani mwao.

Mathayo 3:3.

Yona 3:4-5.

Yohana 10:3-4, 16.

Ufunuo 14:13.