Ngeni Rasmi Na Kwiyolecha

Collected by: Don Sybertz,

With special thanks to Rev Joe Healey  (African proverbs,Sayings and stories)

Ikanza ilo UYesu Kristo oliatali wikala ahanaha welelo, mayu umo witanagwa Eliza Kwiyolecha, agamuja, “Ng’walimu, ni bhuli udiniza ahakaya yane? Ku bhanhu bhangi ugujaga gujubhagisha, aliyo ukuli nene udinashika na kamo.”

Yesu aganshokeja, “Lindaga du ikanza lwa shigu idatu, nane nagwiza kuli bhebhe.” Kwiyolecha ahowigwa giko, agaja ku kaya yakwe alina bhuyegi bhutali noi. Agibhegeleja jinagiki gunbokela ngeni okwe Rasmi.

Lushigu lo kadatu diyu, agashika nhamhala olebha. Kwiyolecha aho omona, agamuja bho bhupelanu, “Ni bhuli oshika aha? Udamanile igiki ilelo nina ngeni rasmi? Ingaga aha wangu.”

Nhamhala ng’wenuyo aginga bhila ya guyomba mhayo gosegose. Hanuma yaho agashika ngikulu nhebhu. Kwiyolecha agankalihila na guyomba, “Balaa ki ilelo, mlishika kuli nene?”  Ingaga aha, udiziza uganiponda soni habhutongi ya ngeni one rasmi.” Ngikulu unhebhu uyo aginga bho selesele du, uja lokwe.

Aha nhalikilo, agiza jilema o magulu ayo gigonda. Ubhiza alishindika masalu bho magulu gwakwe na gutumywa lubhubhu. Kwiyolecha agayomba, “Shetani ki uyu, aliza kuli nene? Ulichafula jiwanja jane. Ingaga aha wangu! Udizushoka hangi.” Kwiyolecha agendelea gunhindila ngeni rasmi, aliyo he! Adashikile.

Bhasi intondo yaho dilu, aginga ahakaya yakwe jinakugiki aje agalumane nu Yesu hangi. Aho bhalumana, agamuja, “Ng’walimu, ni bhuli udizile? Nagagulindila noi, aliyo nadagubhonile!”

UYesu unshokeja, “Unene nagiza kulibhebhe nghangala idatu, nubhebhe uganipeja.” Kwiyolecha aganshokeja, “Hasha! Udashikile nulu hadoo. Bhagashiga bhanhu bhangi du bhadatu, idi bhebhe.”

UYesu aganshokeja, “Aho ugabhapeja abhenabho abho bhalibhiza kuli bhebhe, uganipeja nu nene hangi. Kweyolecha aho wigwa cheniko, agasaga agukumywaga.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s