56. Shimba Na Namhala Sayayi

Collected by: Don Sybertz, Scanned by: Cephas Yao Agbemenu

With special thanks to Rev Joe Healey (African proverbs,Sayings and stories)

Kale ya makale, muna Shimba akabhabhulaga pye abhanmhala bha ng’wigunguli. Namhala umo duhu atabhulagilwe. Nang’hwe witanagwa namhala Sayayi. Nguno wali wibhisa kihamo na bhana bhakwe. Muna Shimba akabhona giki, abhanamhala bhatina solobho kuliwei. Na bhakasaga bhayanda duhu.

Lushiku lumo muna Shimba wali alalile. Aliyo ukunu waliasamile, liza liyoka lingila munomo gwakwe. Likanza lyenilo yutabhanya muna Shimba akakoya no. Akagayiwa ugogwita. Wakanoga ubhabhilinga pye abhayanda ubhawila, “Bhabehi ningililagwa Nzoka, mdulile kunambilija?”

Bhayanda bhunshokeja, “Ayise tutuduja umhayo gweneyu. Alinguno twakulile haha no, tukukumana kinahe umhayo gwenuyo?” Ng’wana kang’wa Lung’wando, ung’wila muna Shimba, “Aliho ubhabha, hamo akuhebya ukukupija. Aliyo ngilo umulage, nguno ubhebhe ukabhabhulagaga abhanamhala.” Muna Shimba akayomba, “Nduhu unene natumulaga.”

Ng’wana wa Lung’wando akaja kuli yise ukang’wila. Namhala Lung’wando akaja aliyo ukunu alina Ngoso. Aha wegela wimila kule nguno ya kung’ogoha muna Shimba. Namhala ubhuja, “Ulu nalakupije andi nunene ukunibhulaga alinguno ubhadalahile abhanamhala.”

Hambunu muna Shimba uhaya, “Nduhu gete natukwita kinhu.” Haho Lung’wando ung’wegela umuna Shimba, kunu alina Ngoso. Uyugakanda akagoso, nose kuyulila, Twi! Twi! Twi! Kagoso aho kalila muna Nzoka wigwa, ufuma uyomba, “Lelo nyama.”

Haho na haho muna Nzoka wandya kumpeja umuna Ngoso. Akashika mpaga kule no. Muna Shimba aha wapila, akafunya bhulumbi kuli namhala Lung’wando.

Kwinga lushiku lwenulo, muna Shimba oya kubhadalaha nu kubhabhulaga abhanamhala. Uyomba, “Gashina abhanamhala bhalina masala. Bhayanda bhatubhashigila abhanamhala.

Kiswahili: Simba Na Mzee Sungura

Zamani ya kale, Simba aliwaua wazee wote wa kijijini. Ni mzee mmoja tu hakuuawa, naye alikuwa ni Sungura maana alijificha na mtoto wake. Simba aliona kuwa wazee hawakuwa na maana kwake.

Walibaki vijana tu. Siku moja Simba alikuwa amelala huku akiwa ameachama. Likaja Joka likaingia mdomoni mwake. Ikawa hali ngumu na ikamfanya Simba ahangaike mno. Akakosa la kufanya.

Mwishowe, aliwaalika vijana, akawaambia, “Jamani, nimeingiliwa na Nyoka, mnaweza kunisaidia?” Vijana wakamjibu, Sisi hatuliwezi jambo hilo. Tumekua leo tu, tutalifahamuje jambo hilo?”

Mtoto wa Sungura akamwambia Simba,  “Yupo baba, labda anaweza kukuponya, lakini usimuuwe. Maana wewe huwaua wazee!” Simba alikataa, “Mimi sitamwua.”

Mtoto wa Sungura akamwendea baba yake na umweleza. Sungura alikwenda akiwa pamoja na Panya, na kusimama mbali kwa maana alimwogopa Simba.

Sungura akamwuliza Simba, “Nikikuponyesha si nami utanimaliza kwa vile unawadharau wazee?” “Hakuna kabisa. Sitakufanya kitu,” Simba alijibu.

Ndipo Sungura  akamsogelea Simba akiwa na Panya. Akawa anambonyeza yule Panya. Mwisho Panya akalia Twi! Twi! Twi! Panya alipolia, Nyoka akasikia akatoka na kusema, “Leo nyama kumbe (Leo nimepata nyama). Alipotoka Nyoka, akaanza kumkimbiza Panya. Alimkimbiza hadi mbali, Simba akawa amepona.

Akamshukuru Panya. Toka hapo Simba akaacha kuwadharau na kuwaua wazee. Akasema, “Kumbe wazee wana busara, vijana hawana busara kama wazee.”

 

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s