1119. ALADUYEJA HA MBUNHU.

Olihoyi ng’wana o ha kaya imo uyo uliguli gete. Abhana nzengo bhagayuhaya giki adina solobho ung’wana ng’wunuyo kunguno bhiganikaga giki adalabhuleka ubhugulu bhokwe bhunubho.

Aliyo lulu abhabyaji bhakwe bhagikomeja gunlela chiza kunguno bhalibhamanile igiki alabhuleka ubhugulu bhokwe bhunubho ulu ukula. Hunagwene bhagayomba giki, “aladuyeja ha mbunhu.”

Akahayile kenako kagalenganijiyagwa kuli munhu uyo agabhalelaga chiza abhana bhakwe bho nduhu ugugwa ng’holo, umukikalile kakwe. Umunhu ng’wunuyo, agahoyaga chiza na bhana bhakwe bhenabho bho gubhatongela nyalyehu kugiki bhadule guleka nhungwa jabhubhi bho gujikalana ija wiza. Uweyi agabhalelaga bhanhu bhingi a ha ng’wakwe mpaga bhabhiza na nhungwa ja wiza kunguno ya bhutungilija bhokwe bhunubho, umuwikaji bhokwe.

Umunhu ng’wunuyo, agikolaga na bhabyaji abho bhagannela chiza ung’wana obho uyo oligulu mpaga utengeka, kunguno nuweyi agabhalelaga chiza abhana bhakwe bho gwiyumija gubhatongela mpaga bhakula chiza, umukikalile kakwe. Hunagwene agabhawilaga abhanhu giki, “aladuyeja ha mbunhu.”

Akahayile kenako kalanga bhanhu higulya ya kubhalela chiza abhana bhabho bho wiyumilija bhutale, kugiki bhadule gukula bhali na nhungwa ja wiza, umuwikaji bhobho.

Yoshua Bini Sira 3:1-8.

Mithali 3:21-24.

Waefeso 6:1-3.

KISWAHILI: ATATUFURAHISHA SIKU ZIJAZO.

Alikuwepo mtoto wa familia moja aliyekuwa mtukutu kabisa. Wanakijiji walifikiri kwamba yule mtoto hatakuwa na faida hapa duniani kwa sababu ya tabia yake hiyo ya utukutu.

Lakini wazazi wake walijibidisha kumlea kwa bidii mtoto wao huo kwa sababu ya kuelewa kuwa atabadilika na kuwa mtoto mwema baada ya kuwa mzima. Ndiyo maana walisema kwamba, “atatufurahisha siku zijazo.”

Msemo huo, hulinganishwa kwa mtu yule ambaye huwalea vyema watoto wake, mpaka wanakuwa wakiwa na tabia njema, katika maisha yake. Mtu huyo, hufanya vikao vya kuongea vizuri na watoto wake hao, ili waweze kuachana na tabia mbaya kwa kuziishi zile zilizo njema, maishani mwao.

Mtu huyo, hufanana na wazazi wale waliovumilia kumlea mtoto wao aliyekuwa mtukutu mpaga akanyoka, kwa sababu naye huwalea watoto wake kwa uvumilivu mpaga wanakuwa katika maadili mema, maishani mwao. Ndiyo maana husema kwamba, “atatufurahisha siku zijazo.”

Msemo huo, hufundisha watu juu ya kuwalea kwa ushirikiano na uvumilifu watoto wao mpaga wakue katika maadili mema, ili waweze kuyaishi vyema maadili yao hao, maishani mwao.

Yoshua Bini Sira 3:1-8.

Mithali 3:21-24.

Waefeso 6:1-3.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

This site uses Akismet to reduce spam. Learn how your comment data is processed.