1116. MILAGA MATE.

Olihoyi munhu uyo agikumbwa gulya nyama iyo adinabho ubhudula ubho guyipandika. Umunhu ng’wunuyo agabhawila bhanhu bhingi uwikumbwa bhokwe ubho gulya nyama bhunubho, kunguno wiganikaga giki, hamo bhagungunana. Aliyo lulu abhanhu bhenabho bhadangunanile josejose. Hunagwene bhangang’wila giki, “milaga mate.”

Akahayile kenako kagalenganijiyagwa kuli munhu uyo agikaga gupandika ginhu ijo adinabhudula ubho gujipandika, umukikalile kakwe. Umunhu ng’wunuyo, agikalaga olindilaga gwinhiwa jikolo guti jiliwa, na bhiye bho nduhu ugutumama imilimo yakwe, kunguno ya gukija gwitegeleja chiza gokwe gunuyo. Uweyi agikalaga ukoyiwa na nzala aha kaya yakwe kunguno ya gulindila gwinhiwa jikolo ja bhiye, bho nduhu ugutumama imilimo yakwe, umuwikaji bhokwe bhunubho.

Umunhu ng’wunuyo, agikolaga nuyo agikumbwa gulya nyama iyo oli adinabhudula ubho guyipandika, kunguno nuweyi agalindilaga gwinhiwa ginhu na bhiye bho nduhu ugutumama imilimo yakwe. Hunagwene abhanhu bhagang’wilaga giki, “milaga mate.”

Akahayile kenako, kalanga bhanhu higulya ya kuleka gulendela gwikumbwa ginhu ijo bhadina bhudula bho gujipandika, kugiki bhadule gwigulambija gutumama milimo yao iyagubhenhela bhupandiki bho jikolo jabho, umuwikaji bhobho.

Kutoka 20:17’

Mathayo 5:27-30.

KISWAHILI: MEZA MATE.

Alikuwepo mtu mmoja aliyetamani kula nyama ambayo hakuwa na uwezo wa kuipata. Mtu huyo, aliwaambia watu wengi juu ya tamaa yake hiyo ya kula nyama kwa sababu alifikiri kwamba wale wangeweza kumsaidia. Lakini watu hao, hawakumsaidia chochote. Ndiyo maana walimwambia kwamba, “meza mate.”

Msemo huo, hulinganishwa kwa mtu yule ambaye hutegemea kupata kitu kile ambacho hana uwezo wa kukipata katika maisha yake. Mtu huyo, hushinda akiwa amekaa akisubiri kupewa na wenzake kitu kikiwemo chakula bila kufanya kazi, kwa sababu ya kukosa umakini wake huo. Yeye husumbuliwa na tatizo la njaa katika familia yake kwa sababu ya kusubiri kupewa kitu na wenzake bila ya kufanya kazi, katika maisha yake.

Mtu huyo, hufanana na yule aliyetamani kula nyama ile ambayo hakuwa na uwezo wa kuipata na bila kufanya kazi, kwa sababu naye husubiri kupewa kitu fulani na wenzake bila kufanya kazi katika maisha yake. Ndiyo maana watu humwambia kwamba “meza mate.”

Msemo huo, hufundisha watu juu ya kuachana na tabia ya kuendelea kutamani kitu kile ambacho hawana uwezo wa kukipata, ili waweze kujibidisha kufanya kazi zao za kujipatia mahitaji yao, maishani mwao.

Kutoka 20:17.

Mathayo 5:27-30.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

This site uses Akismet to reduce spam. Learn how your comment data is processed.