203. KALALA KUNZE UDUKISAGILA

Research sponsored by: Don Sybertz, with special thanks to Rev Joe Healey (African Proverbs, Sayings and Stories)

Imbuki ya lusumo lunulo ilolile ginhu ijo jilikule na munhu nhebhe uyo ajisagililwe. Iginhu jinijo jidadule ugungunana umunhu ng’wunuyo, kunguno jilikule nu wei. Hunagwene abhanhu abha kale bhagayomba giki, ‘kalala kunze udukisagila.’

Ulusumo lunulo lugalenganijiyagwa kuli munhu uyo agisagilaga sabho ja bhanhu bhangi. Umunhu ng’wunuyo adabhutumamilaga chiza ubhudula bhokwe ubho ugutumama milimo iyagumpandikila sabho ja gung’wambilija uguyibheja chiza ikaya yakwe. Agalindilaga bhanhu bhangi, guti bhaduguye, bhang’winhe jikolo, nulu bhang’wambilije utuitumama imilimo yakwe.

Kuyiniyo lulu, ulu bhaduma abhanhu bhenabho ugung’wambilija umunhu ng’wunuyo, agapandikaga makoye ayo gadashilaga aha kaya yakwe. Ijinagunghugula umunhu ng’wunuyo, abhanhu bhagang’wilaga giki, ‘kalala kunze udukisagila.’

Ulusumo lunulo lolanga bhanhu higulya ya gubhutumamila chiza ubhudula bhobho ubho bhalinabho, ubho gutumama milimo iyo idulile gubhingija amakoye gabho genayo. Gashinaga lulu, yigelilwe abhanhu bhaleke ugubhalindila bhanhu bhangi, bhabhambilija uguitumama imilimo iyo bhadulile abhoyi bhinikili, uguitumama.

Kumbukumbu 30:11-14.

Mithali 30:4.

Yohana 3:13.

KISWAHILI: KALALAKO KWINGINE HUTAKATEGEMEA

Chanzo cha methali hiyo chaangalia kitu kilichoko mbali na mtu fulani ambacho yeye hukitegemea. Kitu hicho hakiwezi kumsaidia mtu huyo kwa sababu kiko mbali naye. Ndiyo maana watu wa kale walisema, ‘kilalacho kwingine hutakitegemea.’

Methali hiyo hulinganishwa kwa mtu ambaye hutegemea mali za watu wengine. Mtu huyo haufanyii kazi itakiwavyo uwezo wake alionao katika kufanya kazi ziwezazo kumpatia mali za kumsaidia katika kuijenga vizuri familia yake. Husubiri watu wengine wakiwemo ndugu zake, wampatia vitu au wamsaidie kufanya kazi zake, ambazo hata yeye mwenyewe aweza kuzifanya.

Kwa hiyo basi, watu hao wakishindwa kumsaidia mtu huyo hupata matatizo yasiyoisha katika familia yake. Watu hao humuonya mtu huyo kwa kumwambia kwamba, ‘kilalacho kwingine hutakitegemea.’

Methali hiyo hufundisha watu juu ya kuutumia vizuri uwezo walionao wa kufanya kazi ziwezazo kuwaondolea matatizo hayo. Kumbe yafaa watu waache kuwasubiri watu wengine, wawasaidie kuzifanya kazi ambazo hata wao wenyewe waweza kuzifanya.

Kumbukumbu 30:11-14.

Mithali 30:4.

Yohana 3:13.

man ethic african

 

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

This site uses Akismet to reduce spam. Learn how your comment data is processed.