Olihoyi munhu uyo wikalaga na bhabyaji bhakwe abho balibaganga. Umunhu ng’wunuyo, agakulila haho bhatale bhakwe bhenabho abho bhagananga nang’hwe ub’ugota bhunubho. Uweyi agabhadegeleka chiza abhatale bhakwe bhenabho mpaga ub’umana ub’ugota bhunubho kunguno ya witegeleja bhokwe umukikalile kakwe. Hunagwene agayomba giki, “nakulila ha b’adima b’ugota.”

Akahayile kenako kagalenganijiyagwa kuli munhu uyo agalidimilaga chiza ililange lya bhabyaji bhakwe, umukikalile kakwe kenako. Umunhu ng’wunuyo, agabhadegelekaga abhabyaji bhakwe bho witegeleja bhutale kunguno alinikujo litale ukubhoyi. Uweyi agapandikaga mbango ja gwikala shigu ningi umusi na gusabha majikolo mingi aha kaya yakwe, umuwikaji bhokwe bhunubho.

Umunhu ng’wunuyo, agikolaga nuyo agakulila ha b’adima b’uganga mpaga ub’umana ub’ugota bhunubho nang’hwe, kunguno nuweyi agalidimilaga bho witegeleja bhutale ililange lya bhabyaji bhakwe bhenabho, umukikalile kakwe. Hunagwene agayombaga giki, “nakulila ha b’adima b’uganga.”

Akahayile kenako kalanga bhana higulya ya gub’iza ni kujo ukubhabyaji bhabho bho gulidimila na witegeleja bhutale iliange lyabho, umukikalile kabho, kugiki bhadule kupandika mbango ja gwikala chiza umusi na kusabha majikolo mingi, umukaya jabho, umuwikaji bhobho.

Marko 6:7.

Yohana 15:1-5.

 

KISWAHILI: NILIKULIA KWA WASHIKA DAWA.

Alikuwepo mtu aliyeishi na wazazi wake waliokuwa waganga. Mtu huyo, alikulia kwa wakubwa wake hao ambao walimfundisha dawa hiyo. Yeye aliwasikiliza kwa makini mpaga akaiewa dawa hiyo. Ndiyo maana alisema kwamba, “nimekulia kwa washika dawa.”

Msemo huo, hulinganishwa kwa mtu yule ambaye huyashikilia vizuri malezi ya wazazi wake, katika maisha yake. Mtu huyo, huwasikiliza wazazi wake hao kwa umakini mkubwa kwa sababu ana heshima kubwa kwao. Yeye hupata Baraka za kuishi miaka mingi duniani, na kutajirika sana, kwenye familia yake, maishani mwake.

Mtu huyo, hufanana na yule aliwasikiliza wakubwa wake walioshika dawa, mpaga akaielewa naye dawa hiyo, kwa sababu naye huyashikilia kwa umakini mkubwa malezi mema ya wazazi wake, katika maisha yake. Ndiyo maana yeye huwaambia watu kwamba, “nimekulia kwa washika dawa.”

Msemo huo, hufundisha watoto juu ya kuwa na heshima kubwa kwa wazazi wao kwa kuyashikilia malezi yao kwa umakini mkubwa, ili waweze kupata Baraka za kuishi miaka mingi na kupata mafanikio ya kuwa na mali nyingi, maishani mwao.

Marko 6:7.

Yohana 15:1-5.