13. Munhu Bhunwani na Kanoni

 

Collected by: Don Sybertz,   Scanned by: Cephas Yao Agbemenu

With special thanks to Rev Joe Healey (African proverbs,Sayings and stories)

Kale walaliho munhu wali bhunwani na kanoni. Bhigunanaga bhuli ng’wene ulu wapandika makoye. Sha lushiku lumo akanoni kayelaga hihi na nyanza, umu nyanza ng’wenumo yikalaga mo Nzoka nhale gete. Umu nomo gwayo yiliniwe isoga no lya mpango ntale (lilunasi).

Lushiku lumo Nzoka yeniyo yufumila hanze kudima, aliyo ulu ilihaya kudima, mpaga iliswe tame iliwe lyenilo. Ulu shiku lwenulo aho yalifa, gashi akanoni kali hihi haho, kulisola, kulala nalyo mpaga kuli nwani wago umunhu.

Hambunu aho kashika ho kung’wila giki, “Nwani wane nakutogilwe no, jiji ginhu nagwenhela jagukulang`hana mu bhupanga bhoko., Nulu mubhulamu bhoko. Aliyo nalikuwila giki bhiya ukujileka, ulu shiku lwene wajilekaga jigujimila, utalajibhona hangi mpaga gucha gwako.” Sha lushiku lumo, wayelaga ubhunwa kwibala, uhaya giki, “Kinu jane jeniji jisoga no natuganyaga najo.” Ujisweng’ha hakasaga. Aha alijisweng’ha kang`wilolelaga akanwani kiye akanoni.

Huna lulu aho wakitunda kunya kiza akanoni kulisola iliwe lyenilo. Aha wakiza ho, usanga lilinduhu. Kung’wila akanoni giki, “Ambu inakuwila yaya ukulekana nalyo. Ni bhuli iwalekana nalyo lulu. Lili nalisolaga, aliyo utulipandika.” Kulala na kulala akanoni kuja. Wandya gukapelela atakapandikile. Munhu ng’Wenuyo akabiza na makoye no mpaga gucha gwakwe.

 

 

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s