Olihoyi munhu uyo witanagwa Ng’wehe. Umunhu ng’wunuyo oli na nholo ya wiza ya gubhabokela bhanhu bhingi abho bhajaga aha kaya yakwe. Uweyi olinsab’i uyo wambilijaga bhanhu bhingi noyi mpaga nose ubhiza bhupelelo bho bhanhu abho bhali na makoye. Hunagwene abhanhu bhagayomba giki, “ikujo ng’wa Ngwehe.”

Akahayile kenako kagalenganijiyagwa kuli munhu uyo agabhutumilaga ubhusab’i bhokwe bho gubhambilija bhanhu, umukikalile kakwe. Umunhu ng’wunuyo alinsabhi o majikolo mingi uyo agajitumilaga isabho jakwe jinijo bho gubhambilja abhanhu abho bhali na makoye, umuwikaji bhokwe. Uweyi agabhambilijaga bhanhu bhingi ugugamala wangu amakoye gabho kunguno ya bhutogwa bhokwe ubho alinabho ukubhanhu bhakwe bhenabho, umuwikaji bhokwe.

Umunhu ng’wunuyo, agikolaga nu Ng’wehe uyo agabhagunana bhanhu bhingi abho bhali na makoye, kunguno nuweyi agabhutumilaga ubhusabhi bhokwe bho gubhambilija abhanhu abho bhali na makoye. Hunagwene abhanhu bhagang’wilaga giki, “ikujo ng’wa Ng’wehe.”

Akahayile kenako kalanga bhanhu higulya ya gubhutumila ubhusabhi bhobho bho gubhambilija abhichabho abho bhali na makoye, kugiki bhadule gwikala na bhuyeji umuwikaji bhobho.

Marko 6:34-44.

Mathayo 11:28-30.

 

KISWAHILI: HESHIMA KWA NG’WEHE.

Alikuwepo mtu aliyekuwa anaitwa Ng’wehe. Mtu huyo, alikuwa na moyo mwema wa kuwapokea watu wengi waliomwendea kwenye famlia yake. Yeye alikuwa tajiri ambaye aliwasaidia watu sana mpaka mwishowe akawa kimbilio la watu walio na matatizo. Ndiyo maana watu walisema kwamba, “heshima kwa Ng’wehe.”

Msemo huo, hulinganishwa kwa mtu yule ambaye huutumia utajiri wake kwa kuwasaidia watu walio na matatizo katika maisha yake. Mtu huyo, alikuwa tajiri wa vitu vingi ambaye aliutumia utajiri wake huo, katika kuwasaidia watu waliokuwa na matatizo, kwa sababu ya upendo wake.  Yeye huwasaidia watu wengi kuyamaliza matatizo yao haraka kwa sababu ya upendo wake huo kwa watu wake hao, maishani mwake.

Mtu huyo, hufanana na Ng’wehe aliyesaidia watu wengi waliomwendea kuyamaliza matatizo yao, kwa sababu naye huutumia utajiri wake katika kuwasaidia watu walioko kwenye matatizo. Ndiyo maana watu humwambia kwamba, “heshima kwa Ng’wehe.”

Msemo huo, hufundisha watu juu ya kuutumia vizuri utajiri wao katika kuwasadidia wenzao, ili waweze kuishi kwa furaha, maishani mwao.

Marko 6:34 – 44.

Mathayo 11:28-30.