Aho kale yalihoyi noni iyo yabhalisha jiliwa abhana bhayo. Aho jashila ijiliwa ijo yabhalisijaga, igipundula umwili goyo kugiki gadule gufuma mininga gagubhalisija abhana bhayo. Abhana bhayo bhenabho bhagagang’wa amininga gayo mpaga yucha. Hunagwene abhanhu bhagayomba giki, “yafunyaga itone lya mininga.”

Akahayile kenako kagalenganijiyagwa kuli munhu uyo agabhalanhaga abhanhu bhakwe bho bhutogwa bhutale umukikalile kakwe. Umunhu ng’wunuyo, agikomejaga kutumama milimo midamu bho nguzu mpaga uyimala kugiki adule gubhapandikila jiliwa abhanhu bhakwe, kunguno ya bhutogwa bhokwe bhunubho, umuwikaji bhokwe. Uweyi agapandikaga bhudula bho guyibheja chiza ikaya yakwe yiniyo kunguno ya bhutogwa bhokwe ubho gwigulambija gutumama milimo ya gubhapandikila jiliwa abhanhu bhakwe bhenabho, umukikalile kakwe kenako.

Umunhu ng’wunuyo agikolaga ni noyi iyo igipundula umili goyo mpaga yucha kugiki idule gubhapandikala jiliwa abhana bhayo, kunguno nuweyi akikomejaga gutumama milimo bho nguzu mpaga obhapandikila jiliwa abhanhu bhakwe bhenabho, umuwikaji bhokwe bhunubho. Hunagwene abhanhu bhaganhayaga giki,  “ofunyaga itone lya mininga.”

Akahayile kenako kalanga bhanhu higulya ya gubhiza na bhutogwa bho guduja gwigulambija gutumama milimo ya gubhalanhanila chiza abhanhu bhabho, kugiki bhadule kujibheja chiza ikaya jabho jinijo, umubhulamu bhobho bhunubho.

Ezekieli 24:8.

Mathayo 27:25.

Yohana 6:54-56.

Waefeso 1:7.

Ufunuo 12:11.

 

KISWAHILI: AMETOA TOLE LA DAMU.

Hapo zamani alikuwepo ndege aliyekuwa akiwalisha chakula watoto wake. Kilipoisha chakula alichokuwa akiwalishia, ndege huyo aliamua kujitoboa mwili wake ili atoe damu ya kuwalishia watoto wake hao. Watoto hayo waliendelea kunywa damu yake hiyo mpaka alipokufa. Ndiyo maana watu walisema kwamba, “ametoa tone la damu.”

Msema huo hulinganishwa kwa mtu yule ambaye huwatunza kwa upendo watu wake katika maisha yake. Mtu huyo hujibidisha kufanya kazi ngumu mpaka anazimaliza kwa lengo la kuwapatia mahitaji ya kutosha kuwalisha watu wake hao kwa sababu ya upendo wake huo kwao, maishani mwake. Yeye hufanikiwa kuindeleza vizuri familia yake kwa sababu ya upendo wake huo wa kujibidisha kufanya kazi za kutosha kuwapatia mahitaji watu walioko kwenye familia yake hiyo, katika maisha yake.

Mtu huyo, hufanana na yule ndege aliyejitoboa mwili wake kwa ajili ya kuwapatia chakula watoto wake mpaka akapoteza maisha yake, kwa sababu naye hujibidisha kufanya kazi mpaka anafanikiwa kuwapatia watu wake mahitaji ya kutosha kutumia, maishani mwao. Ndiyo maana watu husema juu yake kwamba, “ametoa tone la damu.”

Msemo huo, hufundisha watu juu ya kuwa na upendo kwa watu wao unaowawezesha kujibidisha kutekeleza majukumu ya kuwatunza vizuri watu wao hao, ili waweze kupata maendeleo makubwa katika familia zao hizo, maishani mwao.

Ezekieli 24:8.

Mathayo 27:25.

Yohana 6:54-56.

Waefeso 1:7.

Ufunuo 12:11.