Olihoyi munhu, uyo olina mamihayo mingi umuchalo jilebhe. Umunhu ng’wunuyo, agakumuka nose kunguno ya mihayo yakwe yiniyo umukikalile kakwe. Hunagwene abhanhu bhagayunkomeleja giki, “yombaga bhabha ng’hana.”

Akahayile kenako, kagalenganijiyagwa kuli munhu uyo ali nhalali, umukikalile kakwe. Umunhu ung’wunuyo, agayombaga mihayo ya bhulomolomo iyo agabhujiyagwa na bhiye ohalalika, kunguno ya bhuhalali bhokwe bhunubho, umukajile kakwe. Uweyi agidumama na bhanhu bhingi umuchalo jakwe, kunguno ya bhuhalali bhokwe bhunubho, umuwikaji bhokwe.

Umunhu ng’wunuyo, agikolaga nuyo olina mamihayo ayo gagabhakoyaga bhanhu, kunguno nuweyi alinhalali uyo agayombaga mihayo ya bhulomolomo, oyilema ulu obhujiwa na bhiye. Hunagwene abhanhu bhagang’wilaga giki, “yombaga bhabha ng’hana.”

Akahayile kenako kalanga bhanhu higulya ya kuyomba mihayo ya ng’hana bho guleka bhuhalali, umumahoya gabho, kugiki bhadule gujibheja chiza ikaya jabho, umuwikaji bhobho bhunubho.

Mathayo 10:30-33.

Luka 22:54 -62.

Mathayo 11:2-6.

KISWAHILI: SEMA BABA KWELI.

Alikuwepo mtu ambaye alikuwa na maneno mengi katika kijiji fulani. Mtu huyo, alijulikana mwishowe kwa sababu ya maneno yake hayo, katika maisha yake. Ndiyo maana watu walimsisitiza kwa kumwambia kwamba, “sema baba kweli.”

Msemo huo, hulinganishwa kwa mtu yule ambaye ni mbishi katika maisha yake. Mtu huyo, huongea maneno ya uongo ambayo akiulizwa na wenzake huyakataa, kwa sababu ya ubishi wake huo, katika maisha yake. Yeye hukosana na watu wengi katika jiji chake, kwa sababu ya ubishi wake huo, maishani mwake.

Mtu huyo, hufanana na yule alikuwa na maneno yaliyowasumbua wenzake, kwa sababu naye ni mbishi anayeongea maneno ya uongo ambayo akiulizwa na wenzake, huyakataa. Ndiyo maana watu humwambia kwamba, “sema baba kweli.”

Msemo huo, hufundisha watu juu ya kuongea ukweli kwa kuacha ubishi, katika maongezi yao, ili waweze kuzilea vizuri familia zao, maishani mwao.

Mathayo 10:30-33.

Luka 22:54 -62.

Mathayo 11:2-6.