867. NG’WICHA MASEB’USEB’U NOSE GAGUPOLA.

Bhalihoyi bhanhu, abho bhazugaga walwa muchalo jilebhe. Abhanhu bhenabho bhawichaga uwalwa haho bhutali bhuseb’useb’u kunguno bhali bhamanile igiki ulu bhupola bhugalemaga ugupya chiza. Hunagwene bhiwilaga giki, “ng’wicha maseb’useb’u nose gagupola.”

Ulusumo lunulo, lugalenganijiyagwa kubhanhu abho b’agagahoyelaga amakoye gabho mpaga bhagamala haho gatali mapya, umukikalile kabho. Abhanhu bhenabho, b’agib’ilingaga guguhoyela bhuli mhayo nulu gwigela duhu bho nduhu gugulindila mpaga gukuluhale. Abhoyi bhagadulaga ugubhalumanya wangu, abhanhu bhabho abho bhidumaga kunguno ya gwibhilinga na guihoyela imihayo yabho hapo itali mipya, umuwikaji bhobho.

Abhanhu bhenabho, b’agikolag na bhazugi bha walwa abho bhagawichaga hayo bhutali bhuseb’useb’u uwalwa bhobho, kunguno na bhoyi bhagibhilingaga bhayihoyela na guyimala imihayo yabho haho itali mipya. Hunagwene bhagiwilaga giki, “ng’wicha maseb’useb’u nose gagupola.”

Ulusumo lunulo, lolanga bhanhu higulya ya guidilila bho guitumama na guimala chiza imilimo ni mihayo yabho haho itali mipya, kugiki bhadule gujibheja chiza ikaya jabho, umuwikaji bhobho.

Luka 15:17-24.

Mathayo 3: 10-11.

KISWAHILI: MTELEMSHE YA MOTO MOTO YASIJE YAKAPOA.

Walikuwepo watu waliokuwa wakipika pombe kwenye kijiji fulani. Watu hao, walikuwa wakiitelemshe au kuiipua pombe hiyo kutoka kwenye jikoni ikiwa bado ya moto moto kwa sababu wafahamu kwamba ikipoa haitaiva mpaka ikolee vizuri. Ndiyo maana walikuwa wakiambiana kwamba, “mtelemshe ya moto moto yasije yakapoa.”

Methali hiyo, hulinganishwa kwa watu wale ambao hutatua matatizo yao mpaga kuyamaliza wakati yakiwa bado mapya, katika maisha yao. Watu hao, hukusanyika na kuliongelea kila tatizo linapotokea tu bila kuliacha mpaka lichukue muda mrefu. Wao hufaulu kuwapatanisha haraka watu wao waliokosana kwa sababu ya kuyatatua mapema matatizo yao kila yanapotokea yakiwa bado ni mapya, maishani mwao.

Watu hao, hufanana na wapika pombe walioiipua kutoka jikoni pombe hiyo ikiwa ya moto, kwa sababu nao hukusanyika na kuyatatua matatizo yao, wakati yakiwa bado ni mipya. Ndiyo maana wao huambiana kwamba, “mtelemshe ya moto moto yasije yakapoa.”

Methali hiyo, hufundisha watu juu ya kuzijali kwa kuzitekeleza vizuri kazi zao wakati zikiwa bado ni mpya, ili waweze kuziendeleza vizuri familia zao, maishani mwao.

Luka 15:17-24.

Mathayo 3: 10-11.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

This site uses Akismet to reduce spam. Learn how your comment data is processed.