863. NDUHU NYANZA YA MASALA.

Ulusumo lunulo lulihoyela Nyanza na masala. Inyanza bhuliwikumingi bho mingi mingi ayo gagenhagwa na miongo iyo igingila moyi gufumila uko yandijije.

Amasala bhuli bhudula bho gwiganika na gulamula mihayo ubho bhugikalaga mumitye ya jisumva guti bhanhu. Ubhudula bhunubho, bhutiho umunyanza kunguno idadulile ugwiganika. Hunagwene abhanhu bhagayombaga giki, “nduhu nyanza ya  masala.”

Ulusumo lunulo, lugalenganijiyagwa kuli munhu uyo agituulaga bhushilimu bho gwikanika giki alimani o masala kulebha abhiye. Umunhu ng’wunuyo, agabhiganikilaga abho alihoya nabho guti bhanhu abho bhali na masala magehu kunguno ya bhushilimu bhokwe bhunubho. Uweyi agadumaga ugwidebha chiza na bhiye abho agikalaga nabho kunguno ya libhengwe lyakwe linilo, umukikalile kakwe.

Umunhu ng’wunuyo, agikolaga ni nyanza ya gwituula giki yilina masala, aliyo itina go, kunguno nuweyi alina bhushilimu bho gwituula giki alina masala gagubhatuula abhiye kwigele lya bhanhu bha masala magehu. Hunagwene abhanhu bhagang’wilaga giki “nduhu nyanza ya masala.”

Ulusumo lunulo, lolanga bhanhu higulya ya guleka nhungwa ja gwituula bhutongi bho gubhahalalika abhichabho, kugiki bhadegekwe bhoyi duhu, umuwikaji bhobho. Idichiza ugubhiza na bhushilimu bho gubhadalahija abhichabho, umukikalile kabho.

Metheli 6:1-9.

Mathayo 7:15-20.

Mathayo 22:34-40.

 

KISWAHILI: HAKUNA BAHARI YA AKILI.

Methali hiyo, huongelea Bahari na Akili. Bahari ni mkusanyiko wa maji mengi ambayo huletwa na mito inayotokea sehemu mbalimbali ikiwa kila mmoja kule ulikoanzia.

Akili ni uwezo wa kufikiri na kuamua masulala mbalimbali yaliyomo vyichwani mwa viumbe hai akiwamo wanadamu.  Uwezo huo, haumo kwenye Bahari kwa sababu yenyewe hauwezi kufikiri. Ndiyo maana watu husema kwamba, “hakuna Bahari ya akili.”

Methali hiyo, hulinganishwa kwa mtu yule ambaye hujitia kuwa mjanja kwa kujifikiria kuwa ana akili nyingi kupita wenzake. Mtu huyo, huwafikiria wenzake kama punguani wa akili, yaani watu wenye akili ndogo kwa sababu ya ujanja wake huo. Yeye hushindwa kuelewana na wenzake anaoishi nao kwa sababu ya dharau yake hiyo, katika maisha yake.

Mtu huyo, hufanana na yile Bahari ya kujifikia kuwa ina akili wakati haina, kwa sababu naye ana ujanja wa kujitia kuwa na akili kupita wenzake, katika maisha yake. Ndiyo maana watu humwambia kwamba, “Hakuna Bahari ya akili.”

Methali hiyo, hufundisha watu juu ya kuacha tabia ya kujiweka kimbele mbele, kwa kuwadharau wenzao, kwa lengo la kutaka kusikiliwa wao tu, katika maisha yao. Sio vizuri kuwa na ujanja wa kuwadharau wenzao.

Metheli 6:1-9.

Mathayo 7:15-20.

Mathayo 22:34-40.

childocean

zanzibar-1

 

girl-ocean

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

This site uses Akismet to reduce spam. Learn how your comment data is processed.