Bhalihoyi bhanhu abho bhagibhilinga hajigasho ja guhoyela mhayo nhebhe. Abhanhu bhenabho bhaganguha chiza ugushiga agajigasho jabho jinijo kunguno ya witegeleja bhobho bhunubho. Hunagwene abhanhu bhagayomba giki, “aha bhiza bhandya gumala mamanilo.”

Akahayile kenako kagalenganijiyagwa kubhanhu abho bhali na witegeleja bho gwanguha gujutumama milimo yabho umukikalile kabho. Abhanhu bhenabho bhaganguhaga ugujutumama imilimo yabho bhagigulambija guitumama imilimo yabho chiza mpaga bhayimala, kunguno ya witegeleja bhobho bhunubho, umuwikaji bhobho bhunubho. Abhoyi bhagapandikaga sabho ningi noyi umukaya jabho kunguno ya witegeleja bhobho bhunubho umukikalile kabho kenako.

Abhanhu bhenabho bhagikolaga nabho bhaganguha ugushiga aha jigasho  jabho mpaga bhuyihoyela chiza imihayo yabho aha lyashiga ilikanza, kunguno nabhoyi bhaganguhaga ukumilimo yabho bhagayitumama chiza mpaga bhayimala, umuwikaji bhobho. Hunagwene abhanhu bhagayombaga giki, “aha bhiza bhandya gumala mamanilo.”

Akahayile kenako kalanga bhanhu higulya ya gubhiza na witegeleja bho gwigulambija gutumama milimo yabho chiza kugiki bhadule kupandika matwajo mingi umukaya jabho.

1Samweili 16:4-11.

Marko 2:2.

Matendo 11:28-30.

KISWAHILI: WALIPOFIKA WAKAANZA KUMALIZA MAZUNGUMUZO.

Walikuwepo watu walioalikwa kwenye kikao cha kuongelea jambo fulani. Watu hao waliwahi vizuri kufika kwenye kikao hicho kwa sababu ya umakini wao huo. Ndiyo maana watu walisema kwamba “walipofika wakaanza mazungumuzo.”

Msemo huo hulinganishwa kwa watu wale wenye umakini wa kuwahi kwenda kuyatekeleza majukumu yao vizuri katika maisha yao. Watu hao huwahi kufika kazini kwao na kuwatekeleza majukumu yao mpaka mwisho kwa sababu ya umakini wao huo, maishani mwao. Wao hupata mafanikio mengi sana katika familia zao, kwa sababu ya umakini wao huo wa kujibidisha kuyatekeleza majukumu yao vizuri, katika maisha yao.

Watu hao hufanana na wale waliowahi kufika kwenye kikao chao mpaka kikafanyika vizuri wakati ulipofika, kwa sababu nao huwahi kufika kazini kwao na kujibidisha kuyatelekeleza vizuri majukumu yao mpaka wanayamaliza, maishani mwao. Ndiyo maana watu husema kwamba, “walipofika wakaanza mazungumuzo.”

Msemo huo hufundisha watu juu ya kuwa na umakini wa kujibidisha kuyatekeleza majukumu yao mpaka wanayamaliza vizuri, ili waweze kupata mafanikio mengi katika familia zao, maishani mwao.

1Samweili 16:4-11.

Marko 2:2.

Matendo 11:28-30.