880. IPONDA SONI UGUGWISHA NZALA NA B’AGENI BHALIHO.

Yalihoyi kaya imo iyo igapandika b’ageni. Abhageni bhenabho, bhagahoya gwingila diyu mpaga mhindi aliyo bhadalile ijiwa ja aha kaya yiniyo. Nose abhikaji bha ha kaya yiniyo, aho lyashiga ilikanza lya mhindi bhagab’ona soni ugub’ikaja nzala chiniko, bhageni bhabho  bhenabho. Hunagwene bhagayomba giki, “iponda soni ugugwisha nzala na b’ageni bhaliho.”

Ulusumo lunulo, lugalenganijiyagwa kuli munhu uyo adab’adililaga chiza abhageni bhakwe, umukikalile kakwe. Umunhu ng’wunuyo, ulu opandikaga bhageni agadililaga milimo yakwe duhu, bho gubhalekanija abhanhu bhakwe bhenabho, kunguno ya wiming’holo bhokwe. Uweyi agagayiyagwa abhanhu bha gungeniha aha kaya yake kunguno ya bhujidalonja bhokwe bhunubho, umukikalile kakwe.

Umunhu ng’wunuyo, agikolaga ni kaya iyo idabhadilile bho gubhazugila jiliwa abhageni bhayo, kunguno nu weyi adab’adililaga bho gubhagalila chiza abhageni bhakwe, umukikalile kakwe. Hunagwene abhanhu bhagang’wilaga giki, “iponda soni ugugwisha nzala na b’ageni bhaliho.”

Ulusumo lunulo, lolanga bhanhu higulya ya gubhadilila bho gubhagalila chiza abhageni bhabho, kugiki bhadule gupandika mbango ja gwikala bho mholele na bhichabho, umuwikaji bhobho.

Mathayo 25:35.

Luka 10: 38 – 40a.

KISWAHILI: NI AIBU KUSHINDA NJAA NA WAGENI WAPO.

Ilikuwepo familia moja iliyopata wageni. Wageni hao, waliongea kuanzia asubuhi hadi jioni, lakini hawakula chakula cha kwenye familia hiyo. Mwishowe wakaaji wa kwenye familia hiyo, walianza kujisikia aibu kwa kuwakalisha njaa namna hiyo, wageni hao. Ndiyo maana walianza kusema kwamba, “ni aibu kushinda njaa na wageni wapo.”

Methali hiyo, hulinganishwa kwa mtu yule asiyewajali vizuri wageni wake, kwenye maisha yake. Mtu huyo, akipata wageni huendelea na shuguli zake tu bila kuwajali watu wake hao, kwa sababu ya uchoyo wake. Yeye hukosa wageni wa kumtembelea kwenye familia yake, kwa sababu ya kutowajali kwake watu hao, maishani mwake.

Mtu huyo, hufanana na familia ile ambayo haikuwajali vizuri wageni wake, kwa kupatia chakula, kwa sababu naye huwa hawajali wageni wanaomtembelea, kwa kuwakarimu chakula, katika maisha yake. Ndiyo maana watu humwambia kwamba, “ni aibu kushinda njaa na wageni wapo.”

Methali hiyo, hufundisha watu juu ya kuwajali kwa kuwakarimu vizuri wageni wao, ili waweze kupata Baraka za kuwawezesha kuishi kwa amani na wenzao, maishani mwao.

Mathayo 25:35.

Luka 10: 38 – 40a.

botswana--1

botswana--2

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

This site uses Akismet to reduce spam. Learn how your comment data is processed.